srinkhala sisan 1

श्रृंखलाले प्रेमी सार्वजनिक गर्दा सिसनमाथि ट्रोलको आँधिहुरी !

समाचार

काठमाडौं । कुनै ठूला सेलिब्रिटी होइनन्, तर सामाजिक सञ्जालमा अत्यधिक ट्रोल हुने पात्रमा पर्छन् युट्यूवकर्मी सिसन बानियाँ । पूर्व मिस नेपाल श्रृंखला खतिवडासँग जोडेर उनलाई गिज्याउने र लखट्ने काम लामो समयदेखि भइरहेको छ ।

विगतमा सिसन र श्रृंखलाबीच प्रेम सम्वन्ध रहेको चर्चा हुने गथ्र्यो । उनीहरु दुवैले यसको सार्वजनिक स्वीकारोक्ति त गरेका थिएनन्, तर उनीहरुका तस्वीर र केही भिडिओहरुले अफेयरमा रहेको बुझ्न सकिन्थ्यो । तर, उनीहरुको सम्वन्ध टिकाउ भएन ।

श्रृंखला पढ्नका लागि अमेरिका गएपश्चात सिसनसँग टाढिएकी थिइन् । त्यसपछि उनीहरुको ब्रेक अपको खबर गर्मायो । अनि सुरु भयो सिसनमाथि ट्रोलको सिलसिला । फेसबुकदेखि टिकटकसम्म उनका फोटो र भिडिओहरु जोडजाड गरेर ट्रोलरहरुले अति छारो उडाए । सिसनले एउटा अन्तरवार्तामा यो विषयलाई लिएर दिक्दारी समेत पोखेका थिए । श्रृंखलाले पनि सामाजिक सञ्जालमा आफूलाई निरन्तर चिढ्याइएको भन्दै दुखेसो गरेकी थिइन् ।

यतिबेला श्रृंखला आफ्नो नयाँ जीवनको सुरुवात गर्ने सुरसारमा छिन् । केही दिनअघि मात्रै उनले आफ्नो प्रेमीका रुपमा सम्भव सिरोहियालाई चिनाइन् । केही समयदेखि उनीहरुको प्रेमको चर्चाले गसिप बजार गर्माइरहेको थियो । यसपाली भने श्रृंखलाले आफैं पुष्टि गरिदिएकी छन् । त्यसपछि त के थियो । ट्रोलरहरु जागिहाले । उत्पातै ठूलो घटना घटेझैं गरी ट्रोलको बौछार लाग्न थालिहाल्यो ।

यतिबेला सिसन र श्रृंखलाका पुराना भिडिओ र श्रृंखला–सुसनका नयाँ भिडिओहरु टिकटकमा भाइरल गराइएका छन् । यससँगै एउटा पुरानो गीत पनि चर्चामा ल्याइएको छ– बेहुला बनाउँछु भन्थी, बहुला बनाएर गइ ।

पक्कै पनि यो सीमाहिन ट्रोलले सिसन मात्र होइन, श्रृंखलाको निजी जीवनमा समेत असर परेको हुन सक्छ । यद्यपि, दुवैजना अहिलेसम्म मौन नै बसिरहेका छन् ।

Leave a Reply

Your email address will not be published. Required fields are marked *